(ភ្នំពេញ)៖ នៅព្រលានយន្តហោះអន្តរជាតិភ្នំពេញ ព្រឹកថ្ងៃទី១៧ ខែមេសា ឆ្នាំ២០២១នេះ យន្តហោះបានដឹកវ៉ាក់សាំងកូវីដ១៩ របស់ក្រុមហ៊ុន ស៊ីណូវ៉ាក់ ចំនួន ៥០ម៉ឺនដូសថ្មីទៀត ដែលរាជរដ្ឋាភិបាលកម្ពុជាបញ្ជាទិញពីរដ្ឋាភិបាលចិននោះ ត្រូវបានដឹកមកដល់ព្រះរាជាណាចក្រកម្ពុជាហើយ បន្ទាប់ពីជើងទីមានចំនួន ១.៥លានដូស ត្រូវបានដឹកមកដល់កម្ពុជា កាលពីថ្ងៃទី២៦ ខែមីនាកន្លងទៅ។

គិតមកដល់ពេលននេះកម្ពុជា បាននទទួលវ៉ាក់សាំងចំនួនជាង ៣លានដូសរួចមកហើយរួមមាន៖ ស៊ីណូហ្វាមជំនួយរបស់រដ្ឋាភិបាលចិន ១.៣លានដូស, វ៉ាក់សាំងស៊ីណូវ៉ាក់ ទិញពីចិន ១.៥លានដូស និងវ៉ាក់សាំងអាស្ត្រាហ្សេនីកា ៣២៤,០០០ដូស ជាជំនួយរបស់ខូវ៉ាក់តាមរយៈអង្គការសុខភាពពិភពលោក។

ប្រជាពលរដ្ឋកម្ពុជាមានសេចក្តីអំណរជាមួយនឹងការយកចិត្តទុកដាក់របស់រាជរដ្ឋាភិបាលកម្ពុជាក្រោមការដឹកនាំរបស់សម្តេចតោ ហ៊ុន សែន ចំពោះការប្រយុទ្ធប្រឆាំងនឹងការរីករាលដាល់វីរុសកូវីដ-១៩នៅកម្ពុជា ដែលកំពុងតែផ្ទុះគួរឲ្យបារម្ភខ្លាំងនៅពេលបច្ចុប្បន្ននេះ។ បច្ចុប្បន្នមនុស្សរបស់នៅក្នុងប្រទេសកម្ពុជាច្រើនជាង ១លាននាក់បានទទួលការចាក់វ៉ាក់សាំងកូវីដ១៩ ត្រូវបានគេមើលឃើញថាជាការជួយសង្គ្រោះអាយុជីវីរបស់ប្រជាពលរដ្ឋកម្ពុជានិងមនុស្សដែលកំពុងជ្រកកោននៅកម្ពុជា។ បើតាមគម្រោងរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានគូសបញ្ជាក់ថានឹងស្វះស្វែងរកវ៉ាក់សាំងឱ្យបានរហូតដល់ទៅជាង ២០លានដូស ចាក់ជូនប្រជាពលរដ្ឋឱ្យបានជាង ១០លាននាក់ ដើម្បីបង្កើតភាពស៉ាំ។

សម្រាប់ឆ្នាំ២០២១នេះ សម្តេចតេជោតេជោ បានបញ្ជាក់ថា នៅខែមេសានេះ វ៉ាក់សាំងមកដល់កម្ពុជា ៥០ម៉ឺនដូស (ដឹកមកដល់ថ្ងៃនេះ), ខែឧសភា ចំនួន ១លាន ៥សែនដូស, ខែមិថុនា ចំនួន ៣លានដូស, ខែកក្កដា ២លានដូស, ខែសីហា ១លានដូស។

ស្ថានទូតចិនប្រចាំនៅកម្ពុជា បានគូសបញ្ជាក់ថា ទោះបីជាប្រទេសចិនស្ថិតក្នុងស្ថានភាពដែលមានតម្រូវការវ៉ាក់សាំងក៏ដោយ ក៏នៅតែបន្តផ្តល់ទៅតាមតម្រូវការបញ្ជាទិញរបស់ភាគីកម្ពុជាដែរ។ នេះបានបង្ហាញយ៉ាងច្បាស់អំពីចំណងមិត្តភាពដែកថែបប្រៀបដូចបងប្អូនរវាងប្រទេសទាំងពីរ។ ស្ថានទូតចិននៅកម្ពុជា បានបង្ហាញក្តីសង្ឃឹមថា វ៉ាក់សាំងចិនអាចរួមចំណែកយ៉ាងសកម្មជូនដល់ប្រជាជនកម្ពុជា ក្នុងកិច្ចការប្រយុទ្ធប្រឆាំងជំងឺវីរុសកូវីដ-១៩៕